අතිගරු මහත්වරුණි
වරදක් නම් සමාවුව මැනවි
සැතක් සේ පෙනෙනු ඇත වචනය
හිතුමතේ දමා නොගසමි
රිදෙනු ඇත කැපී තැන තැන
රුහිරු වැගිරෙනා
වරද දත් නිසා
වරද දැන දැන ම මුනිවත
රකිනු ඇති නිසා
කැඳ උගුරක් ඉදෙන
කලකින් බතක් නොඉදුන
ලිග්ගල මතට මුට්ටිය
නගිනා වරම් අහුරන
සුනු සහල් මිටකුදු
මුදලට හැර ණයට නොදෙන
අස්වනු නෙළූ බැවින
ලැබූ බැත සිත තුටු කරණ
සියළු දෙවි දේවතාවුන් වෙත බැතිණ
මේ අළුත් සහල් මංගල්යය
වට පිටාවේ නිබඳ
නඟුල් දෑකැති උදළු
සමග සුරතල් වන
අහිංසක නෙත්
බලාපොරත්තුවකුදු නොමැතිව
ඈත..... කොහේදෝ ඈතක
බලන සඳ
දැක
ඉඩම් හිමි වැවිලිකරු දෙවොල අස
උතුරන කිර
අඳ ගොවිතැනේ රඟ අමතක ව
කට කොනක සිනා මල් පුබුදින
අතිගරු මහත්වරුණි,
උන් නමින් මට කියන්
කුමක්දැයි මට කියන්
මේ
මංගල්ලය....!
No comments:
Post a Comment