මුළුත් දස අතම විහිදුණු
අවිත් කටු ලෙසට උල් වුණු
දහස් සගයනුත් රැස් වුණු
රුද්ර භූමියේ
පිනි බිඳට පවා බිය වැද
සුළඟකින් පවා මුකුලිත
අඳුරටත් පෙරම නිදි වැදි
රුද්ර භූමියේ
සිඟිත්තන් කෙරෙහි යුධ වැද
උදළුතල නඟුල් අසබඩ
මහප්රාණයට හිස නැමි
යුද්ධ බූමියේ
පොඩි එවුන් අතර පිළිසිඳ
නිදිකුම්බ ලෙසට නම් ලැබ
උනුන් හා පෙමින් එකතුව
යුද්ධ බූමියේ
මලුත් පත් ඉරුත් සිඳ බිඳ
මුළුත් කඳ සිරස සුන් කර
දමන හස්ථයට එදිරිව
රුද්ර භූමියේ
තුත්තිරිත් තෘණත් ඈ නෙක
චූල දන දිනන මාවත
දිනන්නට පුදන් සවි බල
රුද්ර භූමියේ
No comments:
Post a Comment