වර්ගයේ මහා සම්මත
බලය පිටුපස හඹා එන විට
ඇත්ත
උන් හිටි තැනුත් හැර දා
පලා යනවා හැර කවර දෙද
චූල සම්මත කුහුඹු දන
අනාගතයම කැටකොට
තැනූ බිජු හැර
කිසිත් නෑ වෙන
හැර දමා ආවේ සියල්
වස්තුව බව බෝග සම්පත්
එ මාහැඟි වස්තුව රැගෙන
සොයා අහු මුල්ලක
උතුම් මනු දන තැනූ නිවසක
ඉඩක්
එ මාහැඟි වස්තුව සුරකිනුව
චූල දන ගැන ලියු පොත් ම ඇති
මගේ පොත් රාක්කය
වීය උහු කෙම් බිම
එ මාහැඟි වස්තුව සුරකිනුව
මීයන්ද වේයන්ද කාවන්ද
මහා වද දෙන කැරපොත්තන්ද
නො අඩුව එරෙහි වී සටන් වදින
සතුරු කඳවුරට
තවත් බල ඇණියක්
වහ වහා එසවුණු මගේ අවි
සිතන්නට ඉඩකුත් නොතබා ම
ප්රතීක ක්රියාවක් සේ
යුධ බිමෙන් පළවා හැරී
ඒ කළු කුහුඹු දන
කෙම් බිම මරු බිමක් විය
නැවත උහු
චූල සම්මත කුහුඹු දන
මහා බලගතු මිනිස් සතුරා අබියස
පලා යනු වෙනුවට
බිම වැටුණු එ මාහැඟි වස්තුව
සොයමින් වැළපෙමින්
දිවි පුදනු දැක ගතිමි
අනාගත පරපුරට
(තම බිජු ඩැහැ ගැනීමට එන වඩා විශාල කුහුඹු විශේෂකට බියෙන් ගම් බිම් හැර දමා යන කළු කුහුඹු ගනාවාසයක් මෙම කවියට නිමිත්ත විය.)
No comments:
Post a Comment